Кометата Neowise, вистинска атракција за туристите и љубителите на Астрономијата во Охридскиот регион

Изминатите две недели Охридското Астрономско Друштво во соработка со ресторан Дедо Димо, Куратица за прв пат во нашиот регион организираше астро тури во близина на Куратица со набљудување и фотографирање со кометата Neowise, најсветлата комета во последните 25 години видена од северната полутопка на планетата земја.

Несекојдневната глетка и еден нов пристап кон туризмот во Охридскиот регион, овој настан предизвика голем интерес каде туристи од Македонија а и надвор од Македонија беа воодушевени од глетката и ноќното небо а и фотографииите кои ги правеше Стојан Стојановски за секој посетител поединечно.

По 40 минути возење со џип или атв на залез и уживање низ нечепнатата природа со единствен поглед кон Охридското и Преспанското Езеро од една точка, набљудување повеќе од 2 часа на ноќното небо, за на крај уникатно фотографирање со млечниот пат и кометата, секој посетител беше оставен без зборови.

Атракцијата со кометат е достапна до крајот на Јули, а во август се планирани и друг вид на тури.
За повеќе инфо може да следите на фан страната на Facebook од Охридското Астрономско Друштво или Стојан Стојановски

ОхридИнфо/Охридско Астрономско Друштво