На денот на македонската независност, 8-ми септември се одржа во Охрид се одржа 32-то издание на Меѓународниот атлетски маратон. На патеката од Св. Наум до Охрид во должина од 30 километари и во машка и женска конкуренција триумфираа кенијците, Марк Кипчумба и Сузан Мутони. Сребрениот медал кај мажите отиде во рацете на словакот Габриел Свајда, а трет финишираше Илир Рудани од Косово Кај атлетичарките македонката Адријана Поп Арсова беше втора, а на третото место заврши Сања Најдовски. Покрај традиционалната 30 километарска трка, по втор пат се одржа и пет километарската трка на независноста.
За првпат годинава, атлетскиот маратон со традиција беше пренесуван на интернет преку live stream благоарение на Стојан Стојаноски и тимот на неговото 2С студио, со цел да се мотивира вклучување на што поголем број вљубеници во трчањето во настанот. Охридскиот атлетски маратон е еден од потешките поради специфичната конфигурација на теренот, но од друга страна тој е исклучително атрактивен токму поради фактот што речиси постојано во текот на трката атлетичарите трчаат долж самиот брег на езерото.