За разлика од „Super Snow Moon“ и „Super Worm Moon,“, „Super Pink Moon“ – технички кажано – ќе биде најголемата и најдобрата во 2020 година.
По тој повод Охридското Астрономско друштво и Стојан Стојановски ќе вршат директен пренос од изгревањето на Супер Месечината на Фејбук страната и Јутуб Каналот.
Кога да ја видите „Супер розова месечина“?
Најдобро за гледање на „Супер розовата месечина“ би било после изгрев од 18:25ч во вторник, 7 април 2020 година и следното утро на залез во среда, 8 април 2020 година.
Зошто да не ја пропуштате оваа супер месечина?
- Ќе изгледа голема. Бидејќи Месечината е на хоризонтот, вашиот мозок ќе ја спореди со околината а поради тоа ќе изгледа поголема.
- Ќе изгледа убаво. Кога Месечината ќе се издигне, ќе биде портокалова црвена од атмосферата на Земјата и местоположбата. Потоа ќе продолжи да се менува кон нешна портокалова, па бледо жолта т.е. ќе се менуваат повеќе нијанси во кратко време.
Откако ќе се издигне над хоризонтот, ќе биде бела, светла и скоро невозможно да ја набљудувате низ телескоп повеќе од неколку секунди.
Зошто се нарекува Супер Месечина?
Феномен на супер месечина се јавува кога Месечината ќе се приближи до Земјата во својата елипсовидна орбита додека е во „целосна“ фаза. Така изгледа малку поголема и посветла од вообичаеното. „Супер розовата месечина“ ќе биде оддалечена 356 907 км од Земјата на 7 април, што ќе биде поблиску од двете претходни полни месечини, а и од следната полна месечина (која исто така е класифицирана како супер месечина).
Охридско Астрономско Друштво